Mehrli Yurak — g‘amxo‘rlik yuraklarni asraydigan payt.
Mehrli Yurak — bu bolalarga sog‘lom kelajak uchun imkon berish
maqsadida yaratilgan ijtimoiy loyiha
Loyiha missiyasi
Tug‘ma yurak nuqsoni (TYuN) haqida xabardorlikni oshirish
Davolanish xarajatlarini mustaqil qoplay olmaydigan kam ta’minlangan oilalarni qo‘llab-quvvatlash
Tug‘ma yurak nuqsoni (TYuN) bo‘lgan bolalarga sog‘lom bolalik va baxtli kelajak uchun imkon yaratish
Sizning hissangiz qanday?
Biz kimlarga yordam beramiz?
Biz kam ta’minlangan oilalardagi tug‘ma yurak nuqsoni (TYuN) tashxisi qo‘yilgan bolalarga bolalar uchun ixtisoslashtirilgan kardiojarrohlik bo‘limlarida zarur operatsiyalar va davolanishni olishda yordam beramiz.
Montella savdo belgisi tomonidan Mehrli Qo‘llar markazi bilan hamkorlikda tashkil etilgan «Mehrli Yurak» xayriya aksiyasi 2026-yil 1-apreldan 30-sentyabrgacha butun O‘zbekiston hududida o‘tkaziladi.
«Mehrli Qo‘llar nogironligi bo‘lgan bolalar va yoshlar markazi» NNT tug‘ma yurak nuqsoni (TYuN) bilan kasallangan bolalarning ota-onalaridan arizalarni qabul qilish, ularni ko‘rib chiqish hamda navbat kutish ro‘yxatiga kiritish ishlarini o‘z zimmasiga oladi.
Markaz murojaat kelib tushgan taqdirda, ariza beruvchining moddiy ahvoli va ijtimoiy zaiflik darajasini quyidagi ma’lumotlar asosida o‘rganadi:
— ariza beruvchi oilasining «Ijtimoiy himoya yagona reyestri» axborot tizimida kam ta’minlangan sifatida ro‘yxatga olinganligi, shuningdek, ijtimoiy xodimlar tomonidan joyiga chiqib o‘rganish asosida olingan ma’lumotlar.
— ariza beruvchining oilasi «Ijtimoiy himoya yagona reyestri» axborot tizimida kam ta’minlangan sifatida ro‘yxatdan o‘tmagan taqdirda, «Yagona milliy ijtimoiy himoya» tizimi orqali vazirlik va idoralar bazalari bilan elektron ma’lumot almashinuvi asosida oilaning mol-mulkiy va moddiy ahvolini avtomatik o‘rganish, shuningdek, ijtimoiy xodimlar tomonidan joyiga chiqib o‘rganish natijalari asosida.
Olingan ma’lumotlarning (shaxsiy ma’lumotlarning) maxfiyligini ta’minlash va himoya qilish bo‘yicha barcha zarur hamda oqilona choralar ko‘riladi.
Mehrli Qo‘llar loyihasining hamkorlari
Loyiha ijtimoiy mas’uliyatli biznes va notijorat tashkilotlar ko‘magida amalga oshiriladi.
O‘zbekiston Yoshlar ittifoqi huzuridagi MEHRLI QO‘LLAR «Nogironligi bo‘lgan bolalar va yoshlar markazi» Nodavlat Notijorat tashkiloti (NNT).
Mehrli Qo‘llar 2017-yil 13-dekabrdan boshlab «Nogironligi bo‘lgan shaxslarni davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida»gi Prezident farmoniga muvofiq, davlat rahbari tashabbusi bilan faoliyat yuritib kelmoqda. Markazning asosiy maqsadi nogironligi bo‘lgan yoshlar (ko‘zi ojizlar, karlar va aqliy rivojlanishida o‘ziga xos xususiyatlarga ega bolalar)ga yordam ko‘rsatish va ularning manfaatlarini himoya qilish, ularni har tomonlama qo‘llab-quvvatlash, jamiyatda teng sharoitlar yaratish, huquqiy hamda psixologik-pedagogik maslahatlar berish, shuningdek, xayriya faoliyatini amalga oshirishdan iborat.
Markaz o‘z faoliyati maqsadlariga mos va qonun bilan taqiqlanmagan har qanday faoliyatni amalga oshirishi mumkin.
Aksiya rasmiy hamkori sifatida Mehrli Qo‘llar markazi tug‘ma yurak nuqsoni (TYuN) bilan kasallangan bolalarning ota-onalaridan arizalarni qabul qiladi, ularni ko‘rib chiqadi va bolalar uchun klinikalarda davolanishni tashkil etadi.
TYuN o‘zi nima?
TYuN (tug‘ma yurak nuqsoni) — bu bola yurak yoki yirik qon tomirlarining tuzilishidagi nuqson bilan tug‘ilganda yuzaga keladigan holatdir.
Nima uchun bu xavfli?
TYuN (tug‘ma yurak nuqsoni) sababli bolada quyidagi holatlar yuzaga kelishi mumkin:
- tez charchash
- nafas qisishi
- terining ko‘karishi
- o‘sish va rivojlanishning kechikishi
- Og‘ir holatlarda operatsiyasiz yurak o‘z vazifasini bajara olmaydi.
Davolash mumkinmi?
Ko‘p hollarda mumkin.
Zamonaviy tibbiyot operatsiya o‘tkazish va bolaga to‘laqonli, sog‘lom hayot hadya etish imkonini beradi.
Ammo bunday operatsiyalar murakkab va qimmat turadi, va har bir oila ham davolanishni mustaqil ravishda to‘lay olmaydi.
Nima uchun yordam muhim?
O‘z vaqtida o‘tkazilgan operatsiya bolaning hayotini saqlab qolishi va unga o‘sish, o‘qish hamda cheklovlarsiz yashash imkonini berishi mumkin.
Hisobot
Siz yordam berdingiz
Ребенок 1
Ребенку была проведена операция на сердце. Сейчас он проходит восстановление.
Ребенок 9
Ребенку была проведена операция на сердце. Сейчас он проходит восстановление.
Ребенок 8
Ребенку была проведена операция на сердце. Сейчас он проходит восстановление.
Ребенок 7
Ребенку была проведена операция на сердце. Сейчас он проходит восстановление.
Ребенок 6
Ребенку была проведена операция на сердце. Сейчас он проходит восстановление.
Ребенок 5
Ребенку была проведена операция на сердце. Сейчас он проходит восстановление.
Ребенок 4
Ребенку была проведена операция на сердце. Сейчас он проходит восстановление.
Ребенок 3
Ребенку была проведена операция на сердце. Сейчас он проходит восстановление.
Ребенок 2
Ребенку была проведена операция на сердце. Сейчас он проходит восстановление.
Ребенок 10
Ребенку была проведена операция на сердце. Сейчас он проходит восстановление.
Tomonlarning huquqiy javobgarligi:
«Navruz International Corp» MChJ va «Mehrli Qo‘llar nogironligi bo‘lgan bolalar va yoshlar markazi» NNT Montelladan Mehrli Yurak xayriya aksiyasi doirasida kam ta’minlangan oilalardagi «Tug‘ma yurak nuqsoni» tashxisi qo‘yilgan bolalarga zarur operatsiyalar va davolanishni tashkil etish hamda moliyaviy yordam ko‘rsatish maqsadida o‘z kuchlarini birlashtirish majburiyatini oladi.
Tomonlarning majburiyatlari
Loyiha tashkilotchisi quyidagi majburiyatlarni oladi::
- har bir sotilgan mahsulot birligi uchun 100 so‘m miqdorida xayriya mablag‘larini o‘tkazishni ta’minlash;
- yig‘ilgan mablag‘larning hisobini yuritish;
- loyihaning borishi to‘g‘risida ma’lumot berish;
- mablag‘lardan faqat loyiha maqsadlari doirasida foydalanish.
«Mehrli qo‘llar» notijorat tashkiloti quyidagi majburiyatlarni oladi:
- moliyaviy yordamga muhtoj bo‘lgan bolalarni saralashni amalga oshirish;
- kam ta’minlangan oilalardan kelib tushgan arizalarni ustuvor tartibda ko‘rib chiqishni ta’minlash;
- tibbiy hujjatlarni va davolanish zarurligini tasdiqlash;
- mablag‘lar taqsimotining shaffofligini ta’minlash.
«Mehrli Qo‘llar» nogironligi bo‘lgan bolalar va yoshlar markazi NNT tug‘ma yurak nuqsoni (TYuN) bilan og‘rigan bolalar ota-onalaridan arizalarni yig‘ish va qayta ishlash, ularni kutish ro‘yxatiga kiritish, shuningdek bemorni bolalar uchun ixtisoslashgan kardiojarrohlik bo‘limiga ega klinikalarga yotqizish va davolashni tashkil etish, hamda davolanish bilan bog‘liq qo‘shimcha moliyaviy xarajatlarni qoplash majburiyatini o‘z zimmasiga oladi.
Tomonlarning javobgarligi
Tomonlar o‘z majburiyatlarini bajarish uchun O‘zbekiston Respublikasi qonunchiligiga muvofiq javobgar hisoblanadi.
Loyiha tashkilotchisi quyidagilar uchun javobgar emas:
- tibbiy yechimlar,
- tibbiy davolash natijalari,
- tibbiyot muassasalarining harakatlari.
Notijorat tashkilot quyidagilar uchun javobgardir:
- yordam oluvchilar to‘g‘risidagi ma’lumotlarning ishonchliligi;
- loyiha benefitsiarlarini tanlash tamoyillariga rioya qilish.
Montella savdo belgisi. «Navruz International Corp» MChJ kompaniyasiga tegishli bo‘lib, aksiya shartlariga muvofiq har bir xarid qilingan mahsulot uchun 100 so‘mdan «Mehrli Qo‘llar nogironligi bo‘lgan bolalar va yoshlar markazi» NNT hisob raqamiga mablag‘ o‘tkazish, shuningdek aksiya OAVda yoritilishini ta’minlash majburiyatini oladi.
Qonunchilikka muvofiqligi
Loyiha amalga oshirilishi O‘zbekiston Respublikasi qonunchiligiga, jumladan quyidagilarni tartibga soluvchi normalarga muvofiq olib boriladi:
- xayriya faoliyati;
- nodavlat notijorat tashkilotlari faoliyati;
- O‘zbekiston Respublikasining 2022-yil 7-iyundagi O‘RQ-776-sonli «Reklama to‘g‘risida»gi Qonuni;
